Paneldə hər kontent növü üçün fərqli tətbiq mövcuddur. Bütün tətbiqlər panelin ən sol hissəsində vertikal rəfdə yerləşib.
Owforms
Ziyarətçilərin sizinlə birbaşa sayt vasitəsilə əlaqəyə keçməsi; saytınıza abunəlik, anket, sorğu və s. tipli məqsədlər üçün Owforms tətbiqindən istifadə edə bilərsiniz. Bu tətbiq vasitəsilə müxtəlif formalar yaradıb saytın istənilən hissəsinə yerləşdirə bilərsiniz.
Owtext
Bu tətbiq saytda məqalə tipli mətnlərin yazılması və onları müəyyən xüsusiyyətlərinə görə bölmələrdə kateqoriyalaşdırmaq üçündür. Owtext tətbiqindən istifadə etmək üçün xüsusi hansısa tarifə keçmək lazım deyil; bütün tariflərdə bu tətbiq istifadəyə açıqdır.
Owphoto
Bu tətbiq vasitəsilə siz sistemə şəkillər yükləyə və onları albomlarda yerləşdirə bilərsiniz. Bu tətbiqdən heç bir tarifə keçmədən istifadə edə bilərsiniz; Owphoto bütün tariflərdə istifadəyə açıqdır.
Owpages
Owpages tətbiqi saytınızda səhifələr yaratmaq və onları idarə etmək üçündür. Yaradılmış səhifələrə növündən asılı olaraq sonradan Owblocks vasitəsi ilə bloklar yerləşdirmək mümkündür. Tətbiqin imkanları sırasında həmçinin səhifənin link hissəsini - yəni saytda həmin səhifəyə hansı ünvan ilə keçid oluna biləcəyini təyin etmək imkanı da var.